Behar den konfigurazioa

• Pentium prozesadorea edo bateragarriren bat
• CD-ROM unitatea
• Gutxienez 32 MBeko RAM, hobe 64 MBkoa
• VESA 2.0rekin bateragarria den txartel grafikoa

Mandrake Linux instalatzea ordenagailuaren CD-ROM unitatean instalazio CDa sartu eta ordenagailua atzera berriz abiaraztea bezain erraza da. Ikus 1. puntua.

---

OHARRA:

• Mandrake Linux eguneratzeko abiapuntua 7.0, 7.1 edo 7.2 bertsioak badira, ez ahaztu zure sistemaren babeskopia egitea.
• Bertsio zaharragoak (7.0 baino lehenagokoak) EZINGO DIRA eguneratu! Kasu horretan baldin bazaude, instalazio berria egin beharko duzu eta ez eguneratze soila.

---

Hona hemen Mandrake Linux instalatzeko hainbat modu:

1. Zuzenean CDtik abiaraztea
2. Windows 95/98/MEn instalatzea
3. Instalazioa MS-DOSetik abiaraztea
4. Windows-en abioko disketea sortzea
5. Instalatzeko metodoak

1. Zuzenean CDtik abiaraztea

Instalazioaren CD-ROMa abiarazi egin daiteke. Normalean, CDa unitatean sartu eta ordenagailua berrabiarazi baino ez da egin behar. Ondoren, pantailako argibideei jarraitu: sakatu Itzulera tekla instalazioa abiarazteko, edo F1 tekla laguntza lortzeko.

OHARRA:

Ordenagailu eramangarri batzuetan, baliteke sistema CDtik ezin abiaraztea. Horrelakoetan, abioko disketea prestatu beharko duzu. Xehetasunetarako ikus 4. puntua .

[orrialdearen goialdera]

2. Windows 95/98/MEn instalatzea

Mandrake Linux Windows-en karpeta batean instalatzeko, diskoan inolako partiziorik egin behar gabe, ondokoei jarraitu:

1. Lehenengo CDa sartu,
2. Sistema berrabiarazi,
3. Sakatu F1 Mandrake Linux-ren pantaila agertzen denean,
4. Idatzi lnx4win gonbitean, eta sakatu Itzulera tekla.

lnx4win-i buruzko xehetasun gehiago nahi badituzu, dagokion Readme fitxategian aurkituko dituzu.

OHARRA:

Windows-en zaudela CD-ROMa sartzen duzunean, leiho bat agertuko da instalazioaren laburpenarekin eta Mandrake Linux-ren demo eta tutorialarekin. 4. puntuan deskribatuko dugun abioko disketea sortzeko ere aukera emango dizu.

Leihoa agertzen ez bada, ondokoa exekutarazi beharko duzu:
D:\dosutils\autorun.exe
(D zure CD-ROMaren unitatea izanik).

[orrialdearen goialdera]

3. Instalazioa MS-DOSetik abiaraztea

Ordenagailuan MS-DOS instalatuta baldin baduzu, instalazio-sistema CDtik zuzenean abiarazi ahal izango duzu disketerik erabili beharrik gabe.

Kontuan izan metodo honek ez duela balio Windows-en barruko DOS leiho batean bazaude, ez eta Windows MEn barruan bazaude ere.

Horretarako, ondoko komandoak erabili (zure CDaren unitatea D delarik):

C:\> D:
D:\> cd \dosutils\autoboot
D:\> D:\dosutils\autoboot> autoboot.bat

[orrialdearen goialdera]

4. Windows-en abioko disketea sortzea

Zure ordenagailua CD-ROMetik abiarazi ezin bada eta aurreko metodoek balio ez badute, abioko disketea sortu beharko duzu Windows-en zaudela, horretarako:

• CD-ROMa sartu, "Ordenagailua" ikonoa ireki, CD-ROM unitatearen ikonoan eskuineko botoiaz klik egin eta "Ireki" hautatu.
• "dosutils" direktorioran sartu eta egin klik bi aldiz "rawwritewin" ikonoan
• sartu diskete-unitatean diskete garbi bat
• hautatu "D:\images\cdrom.img" "Irudi-fitxategia" eremuan (zure CD-ROM unitatea "D:" baldin bada; bestela, "D:" dagokionarekin ordeztu)
• hautatu "A:" "disteke-unitatea" eremuan, eta sakatu "Idatzi".

Instalazioa hasteko:

• sartu CD-ROMa unitatean, eta sartu abioko disketea; ondoren,
• abiarazi ordenagailua.

[orrialdearen goialdera]

5. Instalatzeko beste metodo batzuk

Goiko metodoak zure beharretara egokitzen ez badira (sareko instalazioa egin nahi duzulako, Pcmcia gailuetatik instalatu nahi duzulako...), abioko disketea sortu beharko duzu :

• Linux-en (edo beste unix sistema modernoetan) bazaude, idatzi :

dd if=xxxxx.img of=/dev/fd0
• Windows-en bazaude, 4. puntuan deskribatutako metodoari jarraitu xxxxx.img erabiliz (behean ikusi) cdrom.img-ren ordez.
• MS-DOSen bazaude, eta zure CD unitatea D: dela suposatuta, idatzi:
  D:\>dosutils\rawrite.exe -f images\xxxxx.img -d A

xxxxx.img abioko irudia izango da :

• cdrom.img: CD-ROMetik instalatu.
• hd.img: disko gogorretik instalatu.
• hdreiser.img: reiserfs fitxategi-sistemekin instalatu
• network.img: ftp/nfs/http-etik instalatu.
• other.img: gutxitan erabilitako unitateak sartu eta instalatu.
• pcmcia.img: Pcmcia gailuetatik instalatu.

blank.img nukleo-instalazioa pertsonalizatzeko behar den gutxieneko irudia da.

[orrialdearen goialdera]

Lehenespenez dagoen instalazio grafikoarekin arazorik baldin baduzu, testu moduko instalazioa ere erabil dezakezu. Horretarako, Mandrake Linux-ren ongietorri-pantailan F1 sakatu, eta agertuko den gonbitean testua aukeratu.

Lehendik daukazun Mandrake Linux sistema berreskuratu nahi baduzu, zure instalazio CD-ROMa (edo edozein abioko diskete baliagarri) sartu, Mandrake Linux-ren ongietorri-pantailan F1 sakatu, eta agertuko den gonbitean berreskuratu aukeratu.

Ikus http://www.linux-mandrake.com/drakx/README argibide tekniko gehiagotarako.

Hona hemen instalazioaren urrats nagusiak:

1. Instalazio CD-ROMa (edo, hala behar baduzu, instalazioaren disketea) sartu eta ordenagailua berrabiarazi.
2. Mandrake Linux-ren ongietorri-pantaila agertzen denean, Itzulera tekla sakatu, eta jarraibideei arretaz jarraitu.
3. Instalazioa bukatutakoan, CD-ROMa jaso ordenagailuak jaurtitzen duenean (edo disketea jaso, disko-unitatean disketerik bada); ordenagailua berrabiarazi egingo da. Berez berrabiarazten ez bada, eskuz berrabiarazi.
4. Mandrake Linux abiarazi egingo da. Abiatu ondoren, ordenagailuan "Saioa has" dezakezu instalazioan zehar erabilitako erabiltzailearen kontu-konfigurazioa erabiliz edo "root" gisa sartuz.

Ohar garrantzitsua:

"Root"aren kontuak Linux sistema murrizketarik gabe atzitzeko gaitasuna emango dizu. Ez erabili Linux konfiguratzeko edo administratzeko ez bada. Eguneroko lanetarako, erabiltzaile-kontu arrunta erabili. Kontu hori konfiguratzeko "userdrake"tresna erabili, edo "adduser USER" eta "passwd USER" komandoak.

[orrialdearen goialdera]

Instalazioari buruzko laguntza lortzeko, ikus Mandrake-ren banaketa-zerrenda eta maiz egindako galderak (MEG) Mandrake-ren web gunean:

• http://www.linux-mandrake.com/