Dialogar for brukargrensesnittet

Her får du informasjon om nokre av Operas dialogar.

Vel ei heimeside

Denne dialogen lèt deg velje ei heimeside. Denne heimesida vil vere...

Ein set ofte heimesida til å vere adressa til ein portal eller ein søkjemotor.

Dersom du ønskjer at sida du ser på no skal brukast som heimesida di, trykk på . For å bruke ei anna side, skriv inn adressa og trykk på .

Denne dialogen er tilgjengeleg frå menyen Navigering.

Gå til side

Denne dialogen lèt deg skrive inn ei nettadresse. Han kan vere lur i situasjonar der du ikkje har tilgang til adressefeltet, som for eksempel når du er i fullskjermsmodus eller dersom adressefeltet er inaktivt.

Han fungerer akkurat som adressefeltet: du kan skrive inn nettadresser ved å bruke automatisk fullføring, og du kan få tilgang til tidlegare adresser du har skrive inn gjennom å velje frå lista.

Denne dialogen er tilgjengeleg frå menyen Navigering.

Lagre vindauga dine til ei fil

I Opera kan du ha fleire vindauge opne samtidig. Nokre gonger kan det vere nyttig å lagre alle dei opne vindauga til ei fil, slik at ein kan gå tilbake til dei ved eit seinare høve.

Du kan også velje å vise vindauga du lagra kvar gong du startar Opera. For eksempel kan du starte med tre vindauge: eitt med favorittportalen din, eit anna med favorittavisa di og eit tredje med favorittbandet ditt..

Denne dialogen er tilgjengeleg frå menyen Vindauge.

Oppdatere ei side med jamne mellomrom

Opera kan oppdatere ei nettside så ofte du måtte ønskje, f.eks. kvart femte minutt. Dette er nyttig for å få siste nytt frå ei side, overvake aksjekursar eller sjekke annan informasjon som ofte blir oppdatert.

Nokre nettstader set sjølv ein utløpsdato. Dersom du ønskjer det, kan du velje å berre laste sider der utløpsdatoen er gått ut.

Denne dialogen er tilgjengeleg frå menyen Navigering.

Utskriftsalternativ

Før du skriv ut ei nettside kan du bestemme korleis ho skal sjå ut.

Du kan velje om du vil skrive ut eventuelle bakgrunnsbilete på sida.

Du kan skrive ut topptekst og botntekst, som er...

Du kan skalere sida. For å skrive ho ut dobbelt så stor, vel "200%". For å skrive ut halve storleiken, vel "50%" og så vidare.

Du kan avgjere storleiken på margar. Dersom du vil bruke heile arket set du verdiane til null.

Denne dialogen er tilgjengeleg frå Fil-menyen.

Førehandsvising av utskrift

Som oftast ønskjer du å skrive ut ei side slik ho kjem til syne på skjermen din. Likevel, dersom nettsida har rammer, kan du velje om du ønskjer å...

  1. Skrive ut alle rammer, ei ramme per ark
  2. Berre skrive ut den aktive ramma

Denne dialogen er tilgjengeleg frå Fil-menyen.

Oppstartsdialogen

Når du startar opp Opera vil du få ein velkomstdialog der du kan velje å bruke Opera på to forskjellige måtar...

  1. Du kan ha alle Opera-vindauge innanfor eitt enkelt Opera-program (Multiple Document Interface)
  2. Du kan ha eit separat programvindauge for kvart Opera-vindauge (Single Document Interface)

Klikk på biletet for å velje det du ønskjer. Denne innstillinga kan ikkje endrast mens du kjører Opera.

I tillegg, kan du velje kva vindauge du vil vise når du startar Opera...

  1. Halde fram frå der du var sist
  2. Vise lagra vindaugsoppsett
  3. Vise heimesida di
  4. Starte utan vindauge

Dersom du ønskjer at Opera skal starte likt kvar gong, kan du velje å ikkje vise denne dialogen ved normal oppstart.

Dersom Opera skulle krasje, vil oppstartsdialogen bli vist neste gong du startar Opera for å hjelpe deg å løyse problemet. Dersom problemet held fram, bør du prøve å starte utan vindauge.

Nokre gonger kan kommunikasjon med nettverket vere eit problem. Du kan prøve å endre på nokre av nettverksinnstillingane for å sjå om det kan løyse problemet. Dette bør berre erfarne brukarar gjere.

Tryggleiksdialogar

Dette kapittelet skildrar dialogane som kjem til syne i situasjonar som har med datatryggleiken å gjere.

Nedlasting av filer frå Internett

Dersom du vel å opne fila, vil ho bli opna i Opera.

Dersom du vel å lagre fila, vil du få spørsmål om kor du vil lagre ho. Du må da manuelt starte fila når overføringa er ferdig.

Vi rår til at du alltid kontrollerer filer med eit oppdatert antivirus-program før du startar dei.

Du kan velje å alltid bli spurt før du lastar ned ei fil av denne typen, eller du kan la det noverande valet alltid gjelde.

For å finjustere standardhandteringa av den aktuelle filtypen, trykk på .

Lær meir om standardinnstillingar for handtering av filtypar

Besøkje passordbeskytta nettsider

Nokre nettsider krev at du skriv inn brukarnamn og passord. Kontakt leverandøren av tenesta dersom du ikkje kjem inn på sida.

Installere nye sertifikat

I situasjonar der du skal opprette ein bankkonto på Internett, vil du bli spurt om å installere eit sertifikat.

Ein del av sertifikatinformasjonen er veldig teknisk, men dersom sertifikatnamnet, utferdaren og perioden det er gyldig for verkar korrekt, kan du klikke på for å installere sertifikatet på maskina di.

Informasjonskapslar, som normalt blir brukte til å gjere det enklare å lese nettsider, kan somme gonger stillast inn feilaktig eller usikkert.

Handtering av informasjonskapslar krev eit visst teknisk nivå. Dersom du veit korleis informasjonskapslar fungerer, kan du klikke på dersom du stolar på nettstaden du besøkjer. Trykk på dersom du er i tvil.

Sende filer gjennom skjema

Nokre nettstader tilbyr opplasting av filer som ein del av ei netteneste. Normalt trykkjer du på og vel kva for filer du ønskjer å laste opp frå maskina di til nettstaden.

Eit skjema kan likevel førehandsinnstillast til å sende inn spesielle filer frå datamaskina di, i verste fall passordfila di. For å hindre at skjema sender filer frå maskina di, vil ei åtvaring alltid bli vist dersom eit filnamn er førehandsinnstilt i eit filsendingsskjema.

Slett private data

Denne dialogen lèt deg slette informasjon om nettaktivitetane dine frå maskina di.

Obs: Sletta data på platelageret kan ein få tilbake ved å bruke enkelte filverktøy.

Åtvaring: Ver sikker på at du veit kva du gjer når du bruker denne dialogen. Sletting av private data kan gje uønskte resultat.

Denne dialogen er tilgjengeleg frå Fil-menyen.